Նոյեմբերի 3-ից 12-ը Հունաստանի Կրետե կղզում անցկացվում է 2026 թվականի շախմատի Եվրոպայի 8-18 տարեկան պատանիների և աղջիկների առաջնությունը:
Հայաստանը ներկայացնում են 58 շախմատիստներ։
Ինչպես հաղորդում են Հայաստանի շախմատի ֆեդերացիայից, չորս խաղափուլից հետո 4 միավոր ունեն Տիգրան Համբարձումյանը (մինչև 14 պատանիներ), Նարե Իսախանյանը (մինչև 12 աղջիկներ) և Սոֆիա Բաղրամյանը (մինչև 10 աղջիկներ)։
Վահե Սուքիասյանը (մինչև 18 պատանիներ), Սոնա Կրկյաշարյանը (մինչև 16 աղջիկներ), Մոնթե Ավետիսյանը (մինչև 8 պատանիներ), Ռաֆայել Զաքարյանը (մինչև 8 պատանիներ) և Մարկ Ադամյանը (մինչև 8 պատանիներ) ունեն 3.5 միավոր։
