Երբեք ոչ մի քննարկման ժամանակ խոսք չի եղել եւ խոսք չի կարող լինել Տավուշի մարզի որեւէ գյուղ հանձնելու մասին։ Այս մասին այսօր, հրավիրված մամուլի ասուլիսում ասաց ՀՀ վարչապետ Նիկոլ Փաշինյանը՝ անդրադառնալով Ադրբեջանի կողմից Տավուշի 4 գյուղերը հանձնելու մասին պահանջներին։
Նա Հայաստանի Հանրապետության քարտեզի մակետը ցույց տալով ասաց.
«Նախ ուզում եմ անդրադառնալ թե որն է ՀՀ-ն: Եկեք մի պահ մի կողմ թողնենք Ադրբեջանին, այլ մեր ելակետից հանդես գանք: Ասվում է, որ ՀՀ-ն պատրաստվում է տավուշի գյուղեր տալ Ադրբեջանին: Երբեք ոչ մի քննարկմանը խոսք չի եղել և խոսք չի կարող լինել Տավուշի մարզի որևէ գյուղ հանձնելու մասին»,- ասել է վարչապետը: Նրա խոսքով՝ երբ ադրբեջանական մամուլում բարձաձայնվում էին գյուղերի անունները, Հայաստանի Հանրապետության տարածքում երբեք այդպիսի անուններով գյուղեր չեն եղել, ընդ որում ոչ միայն Խորհրդային ժամանակներում, այլեւս դրանից հետո։
