2024-ի փետրվարը  օդերևութաբանական դիտարկումների ամբողջ պատմության ընթացքում  ամենատաքն է եղել՝ ամբողջ աշխարհում։ Այդ մասին հայտնել է France-Presse-ը՝ վկայակոչելով կլիմայի ուսումնասիրության ​​Copernicus եվրոպական ծրագրի տվյալները։

Նշվում է, որ փետրվարը Եվրոպայում ռեկորդային տաք ջերմաստիճանով 9-րդ ամիսն է դարձել։

Գիտնականների տվյալներով՝ Համաշխարհային օվկիանոսի ջերմաստիճանն արդեն գրեթե մեկ տարի է, ինչ նորմայից բարձր է։ Փետրվարին ջրի մակերեսի միջին ջերմաստիճանը (բացառությամբ բևեռային շրջանների)   ռեկորդային՝ 21,06 աստիճան է եղել։

Ավելի վաղ հայտնի էր դարձել, որ 2023 թվականը օդերևութաբանական դիտարկումների ամբողջ պատմության ընթացքում ամենատաք տարին է եղել Եվրոպայում։