Ազգային ժողովի նախագահ Ալեն Սիմոնյանն իր տելեգրամյան ալիքում գրել է.
«Freenews-ը չի պատկանում ո՛չ ինձ, ո՛չ իմ կնոջը, դրա մասին տեղեկությունը բաց է և ցանկության դեպքում բոլորին հասանելի: Իսկ Հայաստանի Հանրապետությունում վաղուց արտոնյալներ չկան, և հենց այն փաստը, որ նախարարությունը մի շարք լրատվամիջոցների շարքում գործընթաց է իրականացրել նշված մեդիայի նկատմամբ՝ դրա վառ ապացույցն է: Բայց դե հասկանալի է, որ ավելի գրավիչ է Ալեն Սիմոնյանի անունից «կախվել», որ նախ՝ շատ մարդ կարդա, երկրորդը՝ իշխանությանը ներկայացնել որպես հին բարքեր կրողի:
Սպասենք այլ նմանատիպ վերնագրերի և շահարկումների:
Օրինակ՝ «Հացի խանութը որտեղի՞ց. Ալեն Սիմոնյանը հաց է գնել, չի մուծում հարկերը» կամ «Ալեն Սիմոնյանի Ռուանդա այցից հետո ձյան առատ տեղումներ են սկսվել, կփակվի՞ արդյոք Լարսի անցակետը»:
Լավ եք, էլի..․ Դուք ուրիշ հերոսի անուն չգիտե՞ք»։
