Կայանը տեղադրվել է ՀԱՊՀ-ի թիվ 2-րդ մասնաշենքի տանիքին, այն բաղկացած է 176 հատ բարձր էֆետկիվությամբ մոնոբյուրեղային ֆոտովոլտային վահանակներից, որոնցից յուրաքանչյուրը ունի 510 Վտ հզորություն:

 Արդյունքում Պոլիտեխնիկը կունենա 2-րդ վերականգնվող էներգիայի աղբյուրը, որի շնորհիվ կունենանք տարեկան միջինացված 8.240.000 ՀՀ դրամի չափով խնայողություն և կնպաստենք կանաչ էներգիայի խթանմանը ու 80 տոննա CO2 գազի արտանետման նվազեցմանը:

Նախագիծը ամբողջությամբ իրականացվել է Պոլիտեխնիկի էներգետիկ լուծումների թիմի կողմից, Պոլիտեխնիկ գիտակրթական հիմնադրամի և «Թիմ Սիսթեմս» ՓԲԸ-ի աջակցությամբ:

 

Այս մասին ֆեյսբուքյան իր էջում գրել է Հայաստանի ազգային պոլիտեխնիկական համալսարանի ռեկտոր Գոռ Վարդանյանը։