Երևանի քաղաքապետ Տիգրան Ավինյանը ֆեյսբուքյան գրառում է կատարել․
«Ինձ համար մեծագույն պատիվ էր մասնակցել «Մեր ժամանակների հերոսը» մրցանակաբաշխությանը, որը նպատակ ունի քաջալերել և ոգեշնչել ստեղծարար, աշխատասեր և ձեռներեց քաղաքացուն, ով պատշաճ կատարում է իր աշխատանքը, հաջողում սեփական գործում և օրինակ ծառայում բոլորիս։
«Մեր ժամանակների հերոսը 2023» մրցանակը հանձնեցի կաշեգործ, «Horus studio»-ի հիմնադիր Գոռ Վահրամյանին, ում ստեղծած ձեռագործ իրերն ու աքսեսուարներն արդեն իսկ լայն տարածում են գտել ողջ հանրապետությունում»:
