Առանձնակի ջերմությամբ շնորհավորելով Ձեզ մասնագիտական տոնի կապակցությամբ, ցանկանում եմ հատուկ ընդգծել Ձեր ավանդը՝ ՀՀ Էներգետիկ անվտագության ապահովման և առաջ եկող բնապահպանական խնդիրների լուծման գործում:

Աշխարհի գլոբալ տաքացումը, կլիմայի փոփոխությունը և դրանով պայմանավորված նոր մարտահրավերները ստիպում են մեզ վերաիմաստավորելու մեր դերը մասնագիտական կյանքում: Մարտահրավերներին դիմագրավելու նպատակով չափազանց կարևոր է էներգետիկ համայնքի առավել ակտիվ երկխոսությունը՝ կրթական բարեփոխումներից մինչև նոր տեխնոլոգիական լուծումներ, ոլորտը կարգավորող օրնեսդրական բարեփոխումներից միչև կանաչ ու կայուն քաղաքականությունների մշակում:

Մրցունակ և գիտակից մասնագետներ պատրաստելու նպատակով մենք շարունակում ենք իրականացնել նորարար ծրագրեր տեղական և միջազգային կառույցների հետ համատեղ, դրանցից են՝

Համալսարանի մասնաշենքերի տանիքներում մեր մասնագետների կողմից նախագծվող ու կառուցվող արևային ֆոտոէլեկտրական կայանները, որն իրականացվում է Հայաստանում Բուլղարիայի Հանրապետության դեսպանության, Պոլիտեխնիկ գիտակրթական հիմնադրամի և Թիմ սիսթեմսի աջակցությամբ,

Նոր բազմատար լաբորատորիայի հիմնումը, էներգետիկ համակարգերի թվային կառավարման, Հայաստանի էլեկտրաէներգետիկական շուկայի մոդելավորման (AEX սիմուլյատորի), էներգետիկայի բնագավառի երկարաժամկետ պլանավորման TIMES-Հայաստան մոդելի և այլ համապատասխան ծրագրերի միջոցով ուսանողների ուսուցումը և մասնագետների վերապատրաստումը ապահովելու նպատակով, որն իրականացվում է ԱՄՆ միջազգային զարգացման գործակալության աջակցությամբ,

Էներգետիկ աուդիտի կրթական չափորոշիչների մշակման և մասնագետների լիցենզավորման ծրագիրը, որն իրականացվում է Շվեդիայի միջազգային համագործակցության գործակալության աջակցությամբ,

Միջուկային էներգետիկայի կառավարում մագիստրոսական կրթական ծրագիրը, որը լիցենզավորված է Ատոմային էներգետիկայի միջազգային գործակալության Միջուկային էներգետիկայի կառավարման ակադեմիայի կողմից,

Արդյունաբերական ասպիրանտուրայի ծրագիր ատոմային էներգետիկայի ոլորտում, որն իրականացվում է Հայկական Ատոմային էլեկտրակայանի հետ համատեղ:

Նմանօրինակ ծրագրերի և համատեղ աշխատանքի արդյունքում վստահ եմ, որ ոլորոտւմ գրանցելու ենք տեսանելի հաջողություններ:

Կրկին անգամ շնորհավորելով​ մաղթում եմ Ձեզ՝ ուժ ու կորով: