Հարգելի՛ շահառուներ,
Ուրախ ենք տեղեկացնել, որ Երևան քաղաքի Մոնթե Մելքոնյան փողոցում «Վերածնունդ» երիտասարդական ավանի կառուցման շինարարական աշխատանքները հետևողականորեն մոտենում են ավարտական փուլին:

Ըստ այդմ նախատեսվում է շահառուներին բնակարանների հանձնման գործընթացը մեկնարկել 2022 թ. նոյեմբերի 12-ից և իրականացնել ամեն շաբաթ օր:

Յուրաքանչյուր շահառու անհատապես կծանուցվի (հեռախոսազանգի, կարճ հաղորդագրության կամ էլեկտրոնային նամակի միջոցով) իր բնակարանի հանձնման օրվա և ժամի մասին:

Բնակարանի հանձնման-ընդունմանն անհրաժեշտ է ներկայանալ անձնագրով և էլեկտրամատակարարման միացման վճարի վճարման անդորրագրով:

Հանձնման գործընթացին զուգահեռ երիտասարդական ավանում ակտիվորնեն իրականացվելու է ընդհանուր օգտագործման տարածքների բարեկարգման, արտատարածքային ենթակառուցվածքների մոնտաժման ու կանաչապատման աշխատանքներ, ինչի արդյունքում պատճառվելիք անհարմարության համար նախապես հայցում ենք Ձեր ներողամտությունը:

Միաժամանակ, իրավասու պետական մարմինների հետ համատեղ մեկնարկել են շենքերի փաստագրման և ավարտական ակտի ձևակերպման աշխատանքները, որոնց ավարտի մասին լրացուցիչ կծանուցենք:

Բազմաբնակարան շենքի պահպանության, սպասարկման, ընդհանուր օգտագործման տարածքների լուսավորության, մաքրության, կանաչապատ տարածքների խնամքի կազմակերպման, վերելակային տնտեսության սպասարկման նպատակով անհրաժեշտ է շենքի անշարժ գույքերի սեփականատերերի կողմից ստեղծել շենքի կառավարման մարմին՝ համատիրություն, շենքերի շահագործումից հետո հնարավոր լինի պատշաճ կարգով իրականացնել «Բազմաբնակարան շենքի կառավարման մասին» և «Համատիրության մասին» ՀՀ օրենքներով սահմանված սպասարկման բոլոր գործառույթները:

Առաջարկում ենք մինչև 2022 թ. դեկտեմբերի 15-ը ձեռնամուխ լինել օրենքով սահմանված կարգով համատիրության ստեղծմանը և այդ մասին գրավոր տեղեկացնել ԵՊՀ շրջանավարտների միավորմանը:

Այս մասին հայտնում են ԵՊՀ շրջանավարտների միավորումից։