Մենք պահանջում ենք, որ դատավոր Բիշարյանը ինքնաբացարկ հայտնի, քանի որ մենք վստահություն չունենք նրա նկատմամբ, գործը մակագրվել է ձեռքով: Այս մասին դատական նիստի ընդմիջման ժամանակ ասաց Արցախի հերոս Մենուա Հովհաննիսյանի մայրը՝ Կարին Տոնոյանը:

Հիշեցնենք, որ պահանջում են Նիկոլ Փաշինյանին ներգրավեն որպես մեղադրյալ պետական դավաճանության հատկանիշներով:

«Մենք առնվազն պետք է հիմար լինենք, որ հավատանք այս դատավորի անաչառությանը, հատկապես, որ Փաշինյանը ելույթ էր ունենում, ասում էր, թե դատավոր կա, որ ինձ կարող է չլսել: Այսքանից հետո, երբ գործը էլեկտրոնայինի փոխարեն մակագրվում է ձեռքով, վստահությունն իսպառ վերանում է»,-ասաց նա: