00:00:00

Արցախի դրոշը պոկելու համար մետրոյի աշխատակիցը նախազգուշացվել է

14:56, 23 մայիս 2022 Տեսանյութեր

Այսօր անհնազանդության բողոքի ակցիայի ժամանակ  «Երիտասարդական» կայարանում «Ընդդիմություն» շարժման մասնակիցների և մետրոպոլիտենի աշխատակցի միջև միջադեպ տեղի ունեցավ: Ընդդիմադիրները մետրոյի վրա էին փակցրել Արցախի դրոշը, որը մետրոյի աշխատակիցը ջանք չէր խնայում այն պոկելու համար:

Աղջիկ ցուցարարներից մեկը հորդորեց, որ մետրոյի աշխատակիցը չպոկի վագոնի վրա փակցված դրոշը՝ նշելով. «Արցախի դրոշը մեկ էլ թուրքն ա պոկում, մի՛ նմանվեք»:

Նա էլ պատասխանեց. «Աղջի՛կ ջան, գնայի՛ր կռվեիր, աթոռի համար եք կռիվ տալիս»:

Երևանի Մետրոպոլիտենի խոսնակ Տաթև Խաչատրյանը ԼՈՒՐԵՐ.com -ի հետ զրույցում նշեց, որ այդ միջադեպի վերաբերյալ զեկուցվել է տնօրենի տեղակալ, երթևեկության մասնաճյուղի պետին:

Վերջինս, ըստ մեր զրուցակցի, աշխատակցին հորդորել է աշխատավայրում գործել միմիայն աշխատանքային պարտականությունների շրջանակներում:

Մանրամասները՝ տեսանյութում:

 

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր