Երեկ հրապարակվեց Ազգային ժողովի այն պատգամավորների ցանկը, որոնք բացակայել են նիստերից եւ նրանց աշխատավարձերից պահումներ են արվել: Միեւնույն ժամանակ ԱԺ նախագահ Ալեն Սիմոնյանը չէր բացառել, որ նիստերից անհարգելի բացակայած պատգամավորներին մանդատից զրկելու հարց անգամ կարող է բարձրաձայնվել:
Այդ պատգամավորներից է նաեւ Արթուր Խաչատրյանը, որը մեզ հետ զրույցում այսօր նշեց, թե Ալեն Սիմոնյանը չունի այդ լիազորությունները եւ հենց նրան պետք է զրկել մանդատից:
