ԱՄԷ-ում բնակվող գործարար Աբրահամ Մելքոնյանը Դուբայի միջազգային օդանավակայանում 1 մլն դոլար է շահել։

Ինչպես հաղորդում է «Zawya» լրատվական պորտալը, խաղարկությունն անցկացվել է 2021 թվականի նոյեմբերի 30-ին: Շահած տոմսը Մելքոնյանը ձեռք է բերել նոյեմբերի 18-ին։

Մելքոնյանն ապրում է Դուբայում 32 տարի և խաղարկության մշտական մասնակիցն է։ Նախկինում նա շահել էր BMW մակնիշի ավտոմեքենա։

Գործարարը երեք երեխաների հայր է և ղեկավարում է Դուբայում և Շարժայում ծանր սարքավորումների արտադրության բիզնեսը: