Ես արգելում եմ այսուհետ որևէ հայի զոհվել, թող այլևս որևէ մայր չտեսնի այդ ցավը: Մենք պայքարելու ենք հանուն ապրելու, պայքարելու ենք՝ հանուն հաղթանակի, համոզված եմ, որ հասնելու ենք մեր նպատակին:Այս մասին Ազատագրական շարժման հանրահավաքի ժամանակ հայտարարեց 5165 շարժման առաջնորդ Կարին Տոնոյանը:
Կարին Տոնոյանն ընդգծեց, որ պայքարը ռազմաճակատում է, քանի որ կամավորական ջոկատներին չեն զինում և թույլ են տալիս բարձրանալ դիրքեր.
«Համոզված եմ, որ յուրաքանչյուրդ ունեք ընկերներ, որոնք կամավորագրվում են, բայց տեղ չհասած՝ հետ են վերադառնում կամ գնում, այնտեղ սպասում են: Ես անձամբ պատրաստ եմ զենք վերցնել, չեք էլ պատկերացնում՝ ինչպես եմ երազում այն օրը, երբ զենքը ձեռքիս գոնե մեկ թուրքի կսպանեմ, դա իմ որդու վրեժը կլինի, եթե ինձ զինեն, այո՛, պատրաստ եմ գնալ առաջանագիծ»
Շարժման միջոցով երկիրը ցանկանում են ազատագրել թշնամանքի և կասկածի մթնոլորտից, և այն մարդուց որը երկիրը հասցրել է աղետալի վիճակի:
Կարին Տոնոյանը կոչ արեց հրապարակախոսներին, գիտնականներին ու գրողներին միանալ իրենց պայքարին։ Դիմեց նաև զինծառայողներին, որոնք ավարտել են ծառայությունը։
«Ձեր ընկերներն ընկել են, որ դուք իրենց պայքարը շարունակեք։ Դուրս եկեք փողոց։ Մայրեր, որոնց զավակաները սահմանին կանգնած են՝ դուրս եկեք հանուն ձեր զավակների։ Մենք կունենանք այն քանակը, որ որոշումը կպարտադրենք»։
00:00:00
