Առնվազն 16 մարդ է զոհվել Շրի Լանկայում ջրհեղեղների եւ սելավների հետեւանքով մեկ շաբաթից ավել տեւած հորդառատ անձրեւներից հետո, հայտնում է AP-ն։

Աղետների օգնության կենտրոնը հայտնել է, որ ավելի քան 5000 մարդ է տեղահանվել իրենց տներից: Մահվան դեպքերի մեծ մասը տեղի է ունեցել կայծակի հարվածների եւ ջրահեղձման հետեւանքով։ Հաղորդվում է, որ առնվազն մեկ մարդ անհետ կորել է։

Շրի Լանկայում հոկտեմբերն ու նոյեմբերը մուսսոնների սեզոնն է: Սակայն երկրի մեծ մասում այս տարի սովորականից ավելի շատ տեղումներ են գրանցվել: