Նոյեմբերի 7-ին, ժամը 18.30-ին, ոստիկանության Արարատի բաժին հիվանդանոցից հաղորդում է ստացվել, որ «ստորին վերջույթների հրազենային վերքեր» ախտորոշմամբ բուժօգնության է տեղափոխվել 56-ամյա տղամարդ:

Ոստիկանությունից հայտնում են, որ ոստիկանության Արարատի մարզային վարչության և Արարատի բաժնի ծառայողները ձեռնարկված միջոցառումների շնորհիվ պարզել են, որ ժամը 18.15-ի սահմաններում Արարատ քաղաքի Սալակիթների փողոցում 38-ամյա տղամարդն իր մոտ ապօրինի պահվող երկփողանի հրացանով կրակել է 56-ամյա տղամարդու ուղղությամբ՝պատճառելով վնասվածքներ:

Ձեռնարկված միջոցառումների արդյունքում, 38-ամյա տղամարդը հայտնաբերվել է և, իր «ՎԱԶ-2121» մակնիշի մեքենայով հանդերձ, բերման ենթարկվել ոստիկանության Արարատի բաժին և տվել խոստովանական բացատրություն:

Հրացանն առգրավվել է:

Հանգամանքները պարզվում են:

Կատարվում է քննություն։