ԱՄՆ ավելի քան 12,5 հազար ծովային հետեւակների կսպառնա աշխատանքից ազատում, եթե կորոնավիրուսի դեմ չպատվաստվեն։ Այս մասին կիրակի երեկոյան հայտնել է Military Times-ը։ Ծովային հետեւակները պետք է պատվաստվեն մինչեւ նոյեմբերի 28-ը. Դա կարելի է անել միայն Johnson&Johnson-ի մեկ բաղադրիչ ունեցող պատվաստանյութով: Pfizer-ի եւ Moderna-ի արտադրած մնացած դեղամիջոցները զինվորականներին թույլ չեն տա տեղավորվել ժամկետում։ Այդ պատվաստանյութերն ունեն երկու բաղադրիչ․ ռաջինը պետք է ներդրվեր մինչեւ հոկտեմբերի 24-ը, երկրորդը՝ մինչեւ հոկտեմբերի 17-ը, պարզաբանում է թերթը, փոխանցում է ՏԱՍՍ-ը։ Հրամանատարության համաձայն՝ հոկտեմբերի 28-ի դրությամբ ամերիկացի ծովային հետեւակների 93%-ը ամբողջությամբ կամ մասնակի պատվաստվել է COVID-19-ի դեմ։ Ծովային հետեւակի հրամանատար, գեներալ Դեյվիդ Բերգերն ասել է, որ որոշ զինվորականներ կարող են ժամանակ չունենալ պատվաստումների մասին զեկուցելու համար: Որոշ զինվորականների մոտ պատվաստումների նկատմամբ անվստահությունը գեներալը բացատրել է համացանցում տարածված տարբեր լուրերով ու շահարկումներով։ Ծովային հետեւակներն իրավասու են բժշկական կամ կրոնական պատճառներով պատվաստումներից ազատվել: Բոլոր նման դիմումները մշակվում են մեկ շաբաթվա ընթացքում։ Նշված վերջնաժամկետից հետո չպատվաստված զինվորականներին աշխատանքից ազատում է սպառնում։