Նիդեռլանդների Գերագույն դատարանը բեկանել է Վերաքննիչ դատարանի որոշումը, ըստ որի Ռուսաստանը ՅՈՒԿՕՍ-ի նախկին բաժնետերերին ավելի քան 50 մլրդ դոլար պետք է վճարի, գրում է eadaily.com-ը։

Ինչպես նշված է դատարանի կայքում հրապարակված որոշման մեջ, գործը վերադարձվել է Ամստերդամի վերաքննիչ դատարան՝ վերաքննման։

Հիշեցնենք, որ 2020 թվականին Հաագայի վերաքննիչ դատարանը ուժի մեջ է թողել 2014 թվականի արբիտրաժային որոշումը, որով Ռուսաստանի Դաշնությանը պարտավորեցրել են փոխհատուցում վճարել ՅՈՒԿՕՍ նավթային ընկերության երեք նախկին խոշոր բաժնետերերին։

Ռուսաստանը վիճարկել էր այս որոշումը, և 2016 թվականի ապրիլին Հաագայի շրջանային դատարանը այն անվավեր էր ճանաչել։ Այնուամենայնիվ, 2020 թվականի փետրվարին Հաագայի վերաքննիչ դատարանը պարտավորեցրել է Ռուսաստանին փոխհատուցում վճարել ՅՈՒԿՕՍ-ի նախկին բաժնետերերին։