Ռուսաստանը կարող է մեծացնել գազի արտահանումը Եվրոպա՝ էներգետիկ ճգնաժամի լուծմանը նպաստելու համար: Այս հայտարարությունն արել է նախագահ Վլադիմիր Պուտինը՝ Մոսկվայում կայացած ֆորումում: Նա մեղադրել է եվրոպական երկրներին՝ վերջին շաբաթների ընթացքում վառելիքի գների զգալի աճի համար։ Այս մասին գրում է Euronews-ը։ «Մենք ավելացնում ենք մատակարարումները Եվրոպա։ Եթե մեզանից ավելին են խնդրում, մենք պատրաստ ենք ավելացնելու, մենք ավելանում ենք այնքանով, որքանով մեր գործընկերներն են մեզանից պահանջում: Չկա մեկ մերժում»,-ասել է Վլադիմիր Պուտինը։ Պուտինը էներգետիկ ճգնաժամը կապում է գազի մատակարարման երկարաժամկետ պայմանագրեր կնքելու ԵՄ երկրների դժկամության հետ: Այսպես է պատասխանում Մոսկվան շուկայում արհեստականորեն դեֆիցիտ ստեղծելու մեղադրանքներին՝ մի խումբ եվրապատգամավորների նախաձեռնած հետաքննության ֆոնին: Ռուսաստանի փոխվարչապետ Ալեքսեյ Նովակը նաև ուշադրություն է հրավիրում էներգետիկ անցումն արագացնելու ԵՄ ցանկության վրա։ «Ինչու՞ տեղի ունեցավ այս ճգնաժամը, որն այժմ գոյություն ունի գներով և էներգետիկ ռեսուրսների լիակատար պակասով ոչ միայն Եվրոպայում, այլ, ի դեպ, նաև Ասիայում: Նախ՝ պլանավորման անհավասարակշիռ մոտեցման պատճառով ավանդական էներգիայի աղբյուրներից հրաժարվելու ճնշումը, որն իր հերթին հանգեցնում է նրան, որ, օրինակ, քամու կամ արևոտ օրերի բացակայության դեպքում, ինչպես տեղի ունեցավ այս տարի, հավասարակշռությունը՝ պահանջարկը և առաջարկները չհամապատասխանեցին: Միևնույն ժամանակ, ավանդական էներգառեսուրսների մատակարարման երկարաժամկետ պայմանագրեր չեն կնքվել»,-ասել է Նովակը։ Մեկ շաբաթ առաջ Եվրոպայում գազի ֆյուչերսների գինը հասել էր ռեկորդային մակարդակի. Լոնդոնում 1000 խմ վառելիքի գինը հասել էր ավելի քան 1900 դոլար, ինչը ութ անգամ ավելի է, քան տարեսկզբին: Զուգահեռաբար էլեկտրաէներգիայի գները հասան ռեկորդային մակարդակի: