Աճում է այն զգացողությունը, որ գիտության եւ տեխնոլոգիայի պատճառով նոր սառը պատերազմ է սկսվելու։ Այս մասին հայտարարել է Շվեյցարիայի արտաքին գործերի նախարար Իգնացիո Կասիսը Ժնեւյան Science and Diplomacy Anticipator կամ GESDA, նախագծի գագաթաժողովին ուղղված տեսաուղերձում, հաղորդում է AP-ը։ «Համախմբելով հարյուրավոր գիտնականների եւ քաղաքական գործիչների ամբողջ աշխարհից՝ GESDA-ն կծառայի որպես «ազնիվ միջնորդ», որն օգնում է գիտության առավելությունները տարածել հարուստ եւ աղքատ երկրներին: Այն, ինչին մենք փորձում ենք հասնել GESDA-ի հետ, նոր է եւ, հետեւաբար, դժվար է»,-ասել է Կասիսը։