«Այսօր մենք Ալիևից վտանգ չունենք բացարձակապես: Խաղաղություն է տիրում, ռուսական զորքերը կանգնած են և պատերազմն անհնար է Հայաստանի ու Ադրբեջանի միջև: Բայց ընթացքը պետք է լինի՝ գալ ինչ-որ համաձայնության և՛ Ալիևի հետ, և՛ Թուրքիայի: Հավերժ թշնամիներ չեն կարող լինել 2 հարևանները: Բացառված է: Մենք մեր գոյությունն ենք վտանգում: 4 տարի առաջ մենք հանդես էինք գալիս հետևյալ կարգախոսով՝ խաղաղություն, հաշտություն և բարիդրացիություն: Սա կա՛մ պիտի լինի, կա՛մ մեր պետությունն ապագա չունի: Իսկ Ղարաբաղի հարցը մեզնից այլևս կախված չէ: Ոչ մի հայ այլևս չի կարող ասել, որ կարող է լուծել Ղարաբաղի հարցը»,- Հանրային հեռուստաընկերության եթերում ասաց ՀՀ առաջին նախագահ, ՀԱԿ առաջնորդ Լևոն Տեր-Պետրոսյանը: