Վատիկանում ՀՀ նախկին դեսպան, Սերժ Սարգսյանի փեսա Միքայել Մինասյանը թելեգրամի իր ալիքում գրել է․ «Ի լրումն երեկվա գրառմանը: Ֆրանսիական պատվիրակության հետ կապված պատմությունից հետո Ռուստամ Մուրադովը՝ Արցախում ռուս խաղաղապահ զորախմբի հրամանատարը, նամակ է գրել Վաղարշակ Հարությունյանին, որում, մասնավորապես, ասել է, որ հնարավոր թյուրիմացություններից խուսափելու համար և նախքան նոր հրահանգներ ստանալը, խաղաղապահներն Արցախի տարածք թույլ կտան մուտք գործել այն երկրների քաղաքացիներին, որոնք ստորագրել են նոյեմբերի 10-ի եռակողմ հայտարարությունը:
Նամակում նշված է, որ նման անցումը կիրականացվի Նիկոլի և Իլհամի ԲԱՆԱՎՈՐ պայմանավորվածությունների հիման վրա, որոնք ձեռք են բերվել հունվարի 11-ին: Վաղարշակ Հարությունյանը գաղտնի է պահել այդ նամակը:
Այդ նամակի էությունն այն է, որ Հայաստանից Լաչինի միջանցքով դեպի Արցախ կարող են տեղափոխվել միայն Հայաստանի և Ռուսաստանի քաղաքացիները: Մնացած բոլորին անհրաժեշտ կլինի ստանալ Ադրբեջանի թույլտվությունը՝ Արցախ այցելելու համար:
Դե ինչ, ակնհայտ է, որ Հայաստանը հաստատել է իր կարգավիճակը՝ որպես հալածյալ և չի մտածում այդ վիճակից դուրս գալու մասին: Այդ հարցի շուրջ Հայաստանի ԱԳՆ-ի լռությունը դրա վառ ապացույցն է:
Հ.Գ. Ես անկեղծորեն հաջողություն եմ մաղթում սփյուռքահայերին, Նիկոլին բոլոր վերջույթներով սատարողներին և Արցախ այցելել ցանկացողներին, հաջողություն՝ ադրբեջանական դեսպանատների անձնակազմի հետ շփման գործում»։
00:00:00
