Ռուս-թուրքական միացյալ կենտրոնի անձնակազմը շարունակում է իրականացնել Լեռնային Ղարաբաղի հակամարտության գոտում հրադադարի ռեժիմի պահպանման և ռազմական գործողությունների մոնիտորինգի խնդիրները: Ռուսաստանի ռազմական անձնակազմը վերահսկում է հրադադարի ռեժիմը՝ օգտագործելով «Ֆորպոստ» և «Օրիոն-10» անօդաչու թռչող սարքերը: Միասնական կենտրոնի զինծառայողներն անօդաչու թռչող սարքերից շարունակաբար պատկերներ են ստանում դեպի կառավարման կենտրոն, որտեղ վերլուծվում են ռազմական տեխնիկայի, անձնակազմի բոլոր տեղաշարժերը և արձանագրվում կողմերի շփման գիծը հատելու բոլոր փաստերը: Համատեղ կենտրոնի հերթափոխը հավաքում, ամփոփում և ստուգում է ձեռք բերված պայմանավորվածությունների խախտումների վերաբերյալ տեղեկատվությունը, քննարկում ցանկացած բողոք այն հարցերի կամ խնդիրների վերաբերյալ, որոնք կապված են Լեռնային Ղարաբաղի հակամարտության կողմերի ձեռք բերած պայմանավորվածությունները չկատարելու հետ: