Հանրապետության հրապարակում ընթացող հանրահավաքի ժամանակ Փաշինյանն անդրադարձավ նաեւ վաղվա անելիքներին: Նա կոչ արեց շարունակել դասադուլները, շրջափակել փողոցները: Նա ասաց, որ հավաքվում են ժամը 8-ին Հանրապետության հրապարակում: Ըստ նրա վաղը Սերժ Սարգսյանի մասնակցությամբ առաջի նիստն է Կառավարությունում եւ արժի գալ ժամը 8-ին:
Հանրահավաքի վերջում Փաշինյանն ու հրապարակում հավաքված քաղաքացիները վանկարկեցին մերժիր Սերժին:
Ի դեպ քաղաքացիները առաջարկեցին հիմիկվանից շրջափակել Կառավարության շենքը: Փաշինյանն ի պատասխան ասաց, որ գիշերը դժվար թե մեծաթիվ մարդիկ մնա հրապարակում: Փաշինյանը նշեց, որ Սերժ Սարգսյանը երեկ իր այն հայտարարությունից հետո, թե նա պետք է Հայաստանը տեսի փշալարերի հետեւից «տղամարդլամիշ» է եղել, եւ գիշերը հանել է տվել դրանք: «Սատկացրել է լրիվ»,- հեգնեց Փաշինյանը:
Նա ապա առարկեց երթով շարժվել դեպի Բաղրամյան պողոտա: Հանրահավաքի մասնակիցները գնում են դեպի Բաղրամյան 26: Փաշինյանը չմանրամասնեց, մնալու են Բաղրամյան 26-ում, թե հետ են վերադառնալու:
00:00:00
