Հանրապետության հրապարակում մեկնարկած հանրահավաքի ժամանակ կազմակերպիչները հայտարարեցին, որ տեղեկություններ ունեն, որ սադրիչներ են հայտնվել մարդկանց շարքերում: Եվ քիչ հետո այդ սադրիչներն սկսեցին գործել: Ինչպես տեղից հայտնում է Irakanum.am-ի թղթակիցը, ինչ-որ քաղաքացիներ սկսեցին վեճ հրահրել: Նախ Նիկոլ Փաշինյանին մոտեցավ մի կին, ով հորդորեց, որ Րաֆֆի Հովհաննիսյանի նման վերջում թեյախմության չգնա: Ապա մի քանի տղամարդիկ սկսեցին վիճել միմյանց հետ: Նրանց փորձեց հանդարտեցնել պատգամավոր Սասուն Միքայելյանը: Փաշինյանը հանդարտության կոչ արեց: