Ընտրվելուց հետո նորընտիր վարչապետ Սերժ Սարգսյանը շնորհակալություն հայտնեց «Ծառուկյան» դաշինքին, որ չեն տառապում ընդդիմությանը հատուկ չլսելու բարդույթով, ապա «Ելք» դաշինքին դիմեց՝ հույս հայտնելով, որ կդառնան լավ բարեկամներ:
«Դուք ինձ եք մեղադրում մի աշխարհ ստեղծելու և այնտեղ հրճվելու բարդույթով, բայց այդ բարդույթն աչքիս ձեզ համար է հատկանշական»,-ասաց վարչապետ Սարգսյանը:
Նա հավելեց, որ եթե Գևորգ Գորգիսյանին ու մյուսներին թվում է, որ 90-ականներից էլ հետ ենք գնացել, ինչ կարող է ասել, թող այդպես էլ մտածեն: «Դուք ձեր ջանքերը գործադրեք, որ ձեր գործընկերոջը փողոցից բերելու, դա կլինի ձեր մեծագույն վաստակը: Մենք՝ մեր քաղաքական ուժը, ես անձամբ արյան ծարավ չենք ունեցել, մենք արյուն շատ ենք տեսել, շատ, բայց նույնիսկ թշնամու արյան ծարավ ես չեմ ունեցել: Եթե դուք պետական հիմնարկների գրավումը համարում եք խաղաղ ցույցեր, եթե համարում եք, որ ցուցարարները պիտի գան ու Ազգային ժողովի շենքում նստեն ու օրենքներ գրեն, դա ձեր մոտեցումներն ու պատկերացումներն են, եթե ոչ, դուք հակառակ կողմում պիտի լինեք, ժողովուրդը չի կարող լինել օրինազանց: Դուք բոլորից լավ գիտեք, թե քանի մարդ է մասնակցում այս ցույցերին, բայց սա խորհուրդ ընդամենը, ոչ դատավճիռ, ոչ պարտադրանք»,-ասաց նա:
Սերժ Սարգսյանն ասաց, որ կառավարության ծրագրի ներկայացման ժամանակ ավելի հանգամանալից կսկի խոսել խնդիրիների լուծումից: «Այժմ սկսվում է կառավարության ձևավորման փուլը, կառավարություն ձևավորելու փուլը երկիր չի տևի»,-նշեց Սերժ Սարգսյանն ու հաջողություն ու լավ տրամադրություն մաղթեց բոլորին:
00:00:00
