Հայաստանի ԱԺ-ում շարունակվում է հատուկ նիստը: Երկրի խորհդարանը քննարկում է վարչապետի հարցը: Ներսում է Սերժ Սարգսյանը, ով վարչապետի միակ թեկնածուն է: Դրսում օրեր շարունակ պայքարող քաղաքացիներն են: Խորհրդարան տանող բոլոր ճանապարհները հսկվում են ոստիկանական ուժերի կողմից: Նրանք փշալարեր են տեղադրել ինչպես Բաղրամյան պողոտայում, այնպես էլ Դեմիրճյան- Պռոշյան խաչմերուկում, որտեղ գտնվում է նաեւ Սերժ Սարգսյանի տունը: ԱԺ Դեմիրճյան մուտքի մոտ, որտեղից եւ ներս են մտել պատգամավորները եւս հսկվում է մեծաթիվ ոստիկանների կողմից: Այնտեղ է  նաեւ Սերժ Սարգսյանի սիրելի Լեւոն Երանոսյանը, ով Հայաստանի փոխոստիկանապետն է: Նա իր թիկնազորի հետ շրջում է Դեմիրճյան փողոցով, որպեսզի ապահովի Սերժ Սարգսյանի անվտանգությունը, ով քիչ հետո կդառնա վարչապետ: Չի բացառվում, որ դրանից հետո Սերժ Սարգսյանը պարգեւատրի Լեւոն Երանոսյանին: