Այնուամենայնիվ այս պահին հեռուսատընկերություն ոստիկաններ են եկել ու վարչական վարույթ են հարուցում եթերում դիմակ չկրելու փաստով։ Սա անշուշտ փնթիության արդյունք է պետական մակարդակով։ Ու որքան էլ ջանացինք խնդրի մեջ չընկնել այսօր ստիպված ենք չպլանավորված խոսակցության մեջ մտնել ոստիկանների հետ։ Նույն այս փնթիությամբ կորոնավիրուսի դեմ ենք պայքարում, երբ մի կողմից նախարարն ասում է, որ ինքնաշեն դիմակներ չկրեն, մյուս կողմից կառավարությունը հոլովակ է թողարկում ինչպես ինքնաշեն դիմակ պատրաստել տանը, մի կողմից ասում է սրճարան մի գնացեք, մյուս կողմից պարետի նորանոր վիդեոներ են տարածվում սրճարաններից։ էլ չասեք, որ վիրուսի այս տեմպի համար քաղաքացին է մեղավոր, լավ? Դուք ու ձեր փնթիությունն են մեղավոր։ Այս մասին ֆեյսբուքյան իր էջում գրել է «Քառյակ մեդիայի» գործադիր տնօրեն Արամ Անտինյանը։