Վատիկանում Հայաստանի նախկին դեսպան, Սերժ Սարգսյանի փեսա Միքայել Մինասյանն այսօր հրապարակած նոր տեսանյութում համեմատականներ է տարել ՀՀ ներկայիս իշխանության և Ադրբեջանի իշխանության միջև: «Ինձ մոտ ժպիտ են առաջացնում քաղաքական այն ուժերը, որոնք անընդմեջ գոռում և աղաղակում են, որ սա քաղաքական հետապնդում է՝ Նաիրա Զոհրաբյանից մինչև Ռոբերտ Քոչարյանի փաստաբաններ, ՀՀԿ-ի վերնախավից մինչև ՀԿ-ներ: Ժողովուրդ, բոլորը գիտեն, որ սա քաղաքական է: Մի՛ անընդմեջ կրկնեք՝ 2+2 հավասար է 4: Այո՛, սա քաղաքական է, որովհետև ՀՀ-ն քաղաքական հետապնդումներով դարձել է Նիկոլ Փաշինյանի և Աննա Հակոբյանի երազած երկիրը, որը երբեք չի եղել: Մենք՝ բոլորս, հպատակն ենք այդ զույգի և մենք պարտավոր ենք երկրպագել այդ զույգին, եթե մենք ուզում ենք ապրել սուլթանատում: Իսկ եթե դուք չեք ուզում ապրել սուլթանատում, ուրեմն մենք պարտավոր ենք իրականության կռիվ տալ և հասկանալ, որ ՀՀ-ն չպետք է լինի մի ընտանիքի սեփականություն»,- ասել է Մինասյանը: