Չինաստանը հայտարարում է, որ երբեք հնդիկ զինվորների չի ձերբակալել հնդկական լրատվամիջոցներից ստացված տեղեկություններից հետո առ այն, որ չինական կողմն ազատ է արձակել 10 զինվորի: Հնդիկ պաշտոնյաները նաեւ հերքել են, որ հնդիկ զինվորները գտնվել են անազատության մեջ Չինաստանում, հայտնում է AP-ն:
Չինաստանի արտաքին գործերի նախարարության ներկայացուցիչ Չժաո Լիցզյանը հայտարարել է, որ չինական կողմը ոչ մի հնդկական զինվորի չի ձերբակալել:
Չինաստանը մեղադրում է Հնդկաստանին իրենց սահմանին վերջերս տեղի ունեցած ռազմական բախման մեջ, որի հետեւանքով 20 մարդ էր զոհվել:
Չժաոն հավելել է, որ երկու կողմերն էլ շարունակում են կապ պահպանել դիվանագիտական եւ ռազմական ուղիներով:
«Հուսով ենք, որ Հնդկաստանը կկարողանա աշխատել Չինաստանի հետ՝ երկկողմ հարաբերությունների երկարաժամկետ զարգացումը պահպանելու համար»,- ասել է նա:
00:00:00
