Վրացի մասնագետները անցած մեկ օրում հայտնաբերել են նոր կորոնավիրուսով վարակման երկու դեպք: Այսպիսով՝ StopCov-ի թարմացված տվյալներով երկրում վարակակիրների թիվը հասել է 796-ի: Վրաստանում անցյալ շաբաթվա վերջին նկատվում էր վարակվածների թվի աճ՝ օրական մի քանի տասնյակ: Փորձագետների կարծիքով՝ դա կարող է կապված լինել երկրում խիստ սահմանափակումները հանելու հետ: Այս ընթացքում Վրաստանում կորոնավիրուսից ապաքինվել է 634 մարդ, 12 պացիենտ մահացել է: Կարանտինի մեջ է 2 508 մարդ, իսկ ստացիոնարներում՝ 300: Վրաստանի երեք քաղաքացի բուժման է բերվել այլ երկրներից: