Ռուսաստանը մայիսի 26-ի առավոտյան դադարեցրել է «Յամալ-Եվրոպա» անդրազգային գազատարով տարանցիկ մատակարարումները՝ լեհական հատվածի օգտագործման վերաբերյալ երկարաժամկետ պայմանագրի ավարտի պատճառով: Այս մասին տեղեկացնում է interfax.ru կայքը: Գերմանական Gascade գազատրանսպորտային օպերատորի տվյալները ցույց են տալիս Գերմանիայի արևելքում ժամը 08:00-ի դրությամբ (Երևանի ժամանակով 10:00-ի) գազի հոսքի զրոյական մակարդակ: «Յամալ-Եվրոպա» անդրազգային գազատարով ռուսական գազի փոխադրման երկարաժամկետ պայմանագիրն ավարտվել է մայիսի 17-ի առավոտյան: