Ուկրաինայում կորոնավիրուսով վարակման հայտնաբերված դեպքերի թիվը գերազանցել է 18 հազարը, հայտնել է երկրի առողջապահության նախարարությանն առնթեր Հանրային առողջության կենտրոնը։ Մեկ օրվա ընթացքում հիվանդների թվի աճը կազմել է 433, ինչը 95-ով պակաս է, քան նախորդ օրը։ Պանդեմիայի սկզբից ի վեր՝ Ուկրաինայում առողջացել է 4906 պացիենտ, մահացել է 514 մարդ (մեկ օրվա ընթացքում +21 մարդ)։ Ամենամեծ թվով հայտնաբերված դեպքերը Չերնովիցկի մարզում են (2694) եւ Կիեւում (2280)։