Այսօր Կառավարությունում լրագրողների հետ ճեպազրույցի ընթացքում Անվտանգության խորհրդի քարտուղար Արմեն Գրիգորյանը նշեց՝ հայաստանում փորձագետների որոշակի շրջանակ վարչապետ Նիկոլ Փաշինյանի արցախյան ելույթի ուղերձները ճիշտ չի ընկալել։
Արմեն Գրիգորյանը շեշտեց՝ Արցախում 2020-ին կայանալիք նախագահական ազատ ընտրությունների երաշխավորը։
«Մենք աջակցելու ենք Արցախում ազատ, արդար ընտրություններին, և սա է մեզ համար ամենաառաջնային խնդիրը», - ասաց Գրիգորյանը։
Հարցին՝ իսկ ինչպե՞ս է ընթանալու այդ աջակցությունը, Արմեն Գրիգորյանը պատասխանեց․ «Այս պահին ընդունման վերջնական փուլում է Արցախում նոր Ընտրական օրենսգրքի ընդունումը։ Այդ ամբողջ գործընթացին մենք աջակցել ենք, որպեսզի հնարավորինս ժողովրդավարական մեխանիզմներ ներառվեն դրանում, որպեսզի լինի մեխանիզմ, որի օգնությամբ կանցկացվեն ազատ, արդար ընտրություններ Արցախում»։
