Այսօր Կառավարության նիստին առաջին անգամ մասնակցում էր Սփյուռքի գործերի գլխավոր  հանձնակատար Զարեհ Սինանյանը։ «Ես առաջարկում եմ ողջունել նրան։ Սա նոր կարգավիճակ է Կառավարությունում, մեր երկրում։ Ես մի քանի անգամ առիթ եմ ունեցել  հայտարարելու, որ այդ փոփոխությունների հետ կապված՝ մենք կոնկրետ պլաններ ունենք։ Եվ իհարկե, այդ ծրագրերի իրականացման համար շատ մեծ է գլխավոր հանձնակատարի դերակատարումը։ Պարո՛ն Սինայնան, ողջունում ենք Ձեզ», - իր խոսքում նշեց վարչապետ Նիկոլ Փաշինյանը, որից հետո վերջինս առաջարկեց ծափահարությամբ ողջունել Զարեհ  Սինանյանին։