ՀՀ ԱԺ նախագահ Արարատ Միրզոյանը Արցախում այցելել է Կատարո գինիների արտադրող ընտանիքի փոքրիկ արտադրամասը եւ իր սոցցանցի էջում գրառում է կատարել, որը ներկայացնում ենք ստորեւ. Արցախյան հանրահայտ Կատարո գինիների արտադրող ընտանիքն իմ համար մեր ժամանակների հերոսներից է։ Այս ընտանիքին հաջողվել է համառ ջանքերի, հավատի, նվիրումի ու ամենակարևորը՝ սեփական գործը սիրով անելու շնորհիվ իրականություն դարձնել գաղափարը, շարունակաբար մշակել ու կատարելագործել բանաձևերը, հիմնել փոքրիկ ու կոկիկ արտադրամաս և շատ կարևոր տեղ գրավել շուկայում։ Ինքս գինու մեծ գիտակ չեմ, բայց առավել փորձվածները հավաստում են՝ այս "դժվար" խաղողի սորտից ստացված Կատարոն իսկապես շատ լավն է։