Ուրուգվայի ազգային հավաքականի և Մադրիդի «Աթլետիկո»-ի նախկին հարձակվող Դիեգո Ֆորլանը հայտարարել է մարզական կարիերան ավարտելու մասին: «Դա շատ բարդ որոշում էր։ Մի օր ստիպված ես ավարտել պրոֆեսիոնալ կարիերան և դադարել ֆուտբոլ խաղալ։ Վերջերս ես հետաքրքիր առաջարկ ստացա, բայց արդարացում էի փնտրում, որպեսզի չտամ համաձայնությունս»,- նշել է Ֆորլանը։ Նշենք, որ 40-ամյա Ֆորլանի վերջին թիմը Հոնկոնգի «Կիտչի»-ն էր, որի կազմում նա վերջին անգամ խաղացել էր 2018-ի մայիսին։