Հաճոյանալ ցանկանում եմ միայն իմ երեխաներին, ծնողներիս՝ նույնպես, այսօր լրագրողների հետ հանդիպմանն ասաց Արցախի «Ազատ հայրենիք» կուսակցության նախագահ, նախկին վարչապետ Արայիկ Հարությունյանն՝ անդրադառնալով դիտարկմանը, թե ինքը, կարծես, փորձում է հաճոյանալ ՀՀ իշխանություններին։ «Ոչ մեկին հաճոյանալու կարիք չունեմ, բայց շատ շահագրգռված եմ ՀՀ իշխանությունների հաջողություններով։ Չարացած չեմ, չեմ ուրախանում ձախողումներով», - ասաց նա։ Արայիկ Հարությունյանն ընդգծեց՝ քաղաքական կուրություն է ՀՀ իշխանություների հաջողությունները չտեսնելը. «Ես չեմ ուզում լինել քաղաքական կույր», - ասաց նա։