Պետական վերահսկողածան ծառայության ղեկավարի պաշտոնակատար Արգիշտի Քյարամյանն աշխատանքից ազատել է Կարո Ղուկասյանին: Նա ՊՎԾ-ում աշխատում էր որպես խորհրդատու: Կարո Ղուկասյանը ֆեյսբուքի իր էջում գրառում արել է, տեղեկացնելով, որ ազատվել է աշխատանքից: Տեղեկացանք, որ վերջին շրջանում նրանց հարաբերությունները լարված են եղել: Նշենք, որ Կարո Ղուկասյանը հեղափոխության օրերին եղել է «առաջնագծում»՝ Նիկոլ Փաշինյանի կողքին: Նա Դավիթ Սանասարյանի հետ էր գնացել ՊՎԾ, համարվում էր Սանասարյանի կադրը: Հետաքրքիր է, թե ինչու է Արգիշտի Քյարամյանն ազատել հայտնի հեղափոխականին: