«Մակարավանք» ֆուտբոլային ակումբը հայտարարություն է տարածել․ «Ակումբի գործունեության հետ կապված ցանկանում ենք տեղեկացնել հետևյալի մասին։ Մեր ակումբն ուներ պայմանավորվածություն «Ուրարտու» ՖԱ-ի հետ, որի համաձայն մենք պետք է օգտագործեինք Իջևանի Աչաջուր գյուղում գտնվող մարզադաշտը, որն էլ իր հերթին պետք է անցներ այդ ակումբի կառավարման տակ: Սակայն, կառավարման իրավունքի փոխանցման հարցն ավարտին չի հասցվել, ինչի արդյունքում էլ մեզ հայտնեցին, որ մենք չունենք հնարավորություն օգտագործելու տվյալ մարզադաշտը: Մենք այժմ էլ սպասում ենք տվյալ հարցի հետ կապված պատասխանի: Եթե մինչև այսօրվա ավարտը չունենանք պատասխան, մենք ստիպված կլինենք դադարեցնել մեր մասնակցությունը Հայաստանի Առաջին խմբի առաջնությանը, քանի որ վաղը նշանակված է առաջին տուրի հանդիպումը»: