Մաքսատան աշխատողները Տաշքենդի օդանավակայանում կալանավորել են մի տղամարդու, որը փորձում էր մոտ 17 հազար դոլար արժողությամբ 400 գրամ ոսկի անցկացնել ստամոքսում, ՌԻԱ «Նովոստի»-ին երկուշաբթի տեղեկացրել են Ուզբեկստանի պետական մաքսային կոմիտեի մամուլի ծառայությունում։ Մամուլի ծառայության տվյալներով՝ Ուզբեկստանի քաղաքացու հանդեպ, որը թռել էր Տաշքենդ-Դելի չվերթով եւ օգտվել էր «կանաչ միջանցքից», կիրառվել է լրացուցիչ մաքսային ստուգում։ «Ժամանակակից սքանավորող սարքի օգնությամբ իրականացված ստուգման արդյունքում հայտնաբերվել է, որ կալանավորվածը փորձել է ստամոքսում անցկացնել 14 ոչ մեծ ոսկու ձուլակտոր»,- ասվում է հաղորդագրությունում։ Գերատեսչության տվյալներով՝ 434 գրամ առգրավված ոսկու արժեքը կազմել է ավելի քան 150 մլն սում (մոտ 17 հազար դոլար)։ Ուզբեկստանի մաքսավորները կանոնավորապես տեղեկացնում են ուղեւորների կալանավորումների մասին, որոնք փորձում են մաքսանենգությամբ ոսկի եւ ոսկե զարդեր անցկացնել։ Մարտին Տաշքենդի օդանավակայանում կալանավորվել է երկու կին, որոնք փորձել են Ամիրիտսար տանել ոսկե ինքնասարք ձուլակտորներ՝ 15 հազար դոլար արժողությամբ, նորից ստամոքսում։ Գերատեսչության տվյալներով՝ մաքսանենգների առավել ակտիվ խողովակներ են մնում Բաքու, Ստամբուլ եւ Հնդկաստանի քաղաքներ ավիաչվերթերը։ Ուզբեկստանի տարածքում ապրանքների ներկրման եւ արտահանման սահմանված նորմերին համապատասխան՝ ֆիզիկական անձանց թույլատրվում է առանց աքցիզային հարկի վճարման ներկրել մինչեւ հինգ միավոր ոսկերչական իրեր եւ թանկարժեք քարեր՝ 30 գրամ ընդհանուր քաշով՝ հայտարարագրում դրանց պարտադիր նշմամբ։