Արայիկ Պապիկյանը ֆեյսբուքի իր էջում գրում է. «Իմ բազմաթիվ փաստաբան գործընկերներ նախաձեռնել են դատավոր Դավիթ Գրիգորյանի պաշտպանությունը ստանձնելու «ակցիա»՝ դրանով իսկ արձագանքելով դատական համակարգում իրականացվող մտահոգիչ գործընթացներին։ Կասկած չի հարուցում այն փաստը, որ ներկայումս ՀՀ-ում տիրում է դատական անիշխանություն։ Մեծ հաշվով Հայաստանում դատական իշխանությունը միշտ եղել է գործադիրի կցորդը և կամակատարը։ Իսկ այն բարքերը, որոնք տիրել են ռոբի ու սս-ի օրոք, ներկայացման կարիք չունեն (ՄԻԵԴ-ի վերջին վճիռը՝ խոսուն օրինակ)։ Այսքանով հանդերձ, գործընկերներիս «ակցիային» չեմ միանում և չեմ սատարելու դատավոր Դ. Գրիգորյանին, քանի որ նա չի եղել սկզբունքային և արդար դատավոր։ Ինչպես շատերը, նա ևս ծառայել է օրվա իշխանությանը և ոչ թե արդարադատությանը։ Դատավորի իր կնիքվ նա է հաստատել Հաց Բերող Արթուր Սարգսյանի առաջին կալանքի որոշումը։ Կալանքի հիմքը՝ հիմնավոր կասկածը եղել է այն, որ Արթուրը ՊՊԾ է մտել հուլիսի 17-ին, թեև Արթուրը Հաց է Բերել հուլիսի 26-ին։ Այս ակնհայտ փաստը դատավոր Գրիգորյանի մոտ չկարողացան հաստատել ոչ ինքը՝ Արթուրը, և ոչ էլ նրա չորս փաստաբանները։ Արթուրի վատառողջ լինելու և կալանքի անհամատեղելիության առաջին ապացույցները (հիվանդության մասին փաստաթղթերը) ներկայացվել են այդ դատավորին, սակայն դրանք անտեսվել են վերջինիս կողմից։ Ինձ ամենևին չի հետաքրքրում, թե ինչ հետապնդման է ենթարկվում դատավոր Գրիգորյանը, քանի որ նա չի մարմնավորում արդար Դատարանը։ Այնուհանդերձ, ինձ շատ է հետաքրքրում այն հանգամանքը, թե ինչու՞ նրա դեմ քրեական գործ չի հարուցվել Հաց Բերող Արթուր Սարգսյանին ապօրինի կալանավորելու համար»։