Կառավարության պահուստային ֆոնդից 54,5 միլիոն դրամ կհատկացվի կրթության, գիտության, մշակույթի եւ սպորտի նախարարությանը՝  Հայաստանի երիտասարդական հիմնադրամի լուծարման եւ այլ ծախսերն ապահովելու նպատակով։ Նախարարությունը կառավարությանը հայտնել է, որ հիմնադրամը լուծարվելու է սեպտեմբերի 1-ին։ Համաձայն լուծարման նախահաշվի՝ այդ գումարը հատկացվելու է 40 աշխատակիցների 6 ամսվա աշխատավարձերի, արձակման նպաստների, կուտակված գույքահարկի վճարմանը, վարձավճարների, կոմունալ մուծումների եւ պահպանման այլ ծախսերի։