ՀՀ Գլխավոր դատախազությունը ստացել է Ազգային ժողովի նախկին պատգամավոր Մանվել Գրիգորյանի պաշտպանների՝ փաստաբանի մասնագիտական գործունեությանը խոչընդոտելու վերաբերյալ հաղորդումը և ուղարկել Հատուկ քննչական ծառայություն նյութեր նախապատրաստելու։ Այս մասին Irakanum.am-ի զրույցում ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
«Դատախազությունը հանցագործության մասին հաղորդումը ստացել է և ուղարկել ՀՔԾ»,- ասաց Խաչատրյանը:
Փաստաբան Լևոն Բաղդասարյանը հանցագործության մասին հաղորդում էր ներկայացրել այն հիմքով, որ պաշտպանական կողմին հունիսի 4-ին «Դատապարտյալների հիվանդանոց» քրեակատարողական հիմնարկի վարչակազմը թույլ չի տվել տեսակցել իրենց պաշտպանյալին, ընդ որում՝ առանց որևէ պատճառաբանության:
00:00:00
