Մայիսի 22-ին ոստիկանության Դավիթաշենի բաժանմունքի ծառայողները, օպերատիվ տվյալներն իրացնելով, պարզել են, որ 1957 թ. ծնված Հասմիկ Ս.-ն Աջափնյակ եւ Դավիթաշեն վարչական շրջաններից կատարել է գողություններ: Ոստիկանությունից հայտնում են, որ բացատրական աշխատանքների շնորհիվ ժամը 20.00-ին Հասմիկ Ս.-ն ինքնակամ ներկայացել է ոստիկանության Մաշտոցի բաժին եւ տվել խոստովանական բացատրություն, որ ապրիլ ամսից մինչեւ մայիսի 22-ն ընկած ժամանակահատվածում Դավիթաշեն թաղամասում գործող սուպերմարկետում, օգտվելով հաճախորդների անուշադրությունից, գողացել է դրամապանակ, որի մեջ եղել է գումար: Ձեռնարկվում են միջոցառումներ Հասմիկ Ս.-ի գործողություններից տուժած անձանց հայտնաբերելու ուղղությամբ: Նախապատրաստվում են նյութեր: