Հայաստանի Հանրապետության ոստիկանությունը «Եռաբլուր» զինվորական պանթեոնից երկու մեքենաներից  գողության հետ կապված ահազանգ է ստացել քաղաքացիներից: «Արմենպրես»-ի հետ զրույցում ՀՀ ոստիկանության հասարակայնության հետ կապերի և լրատվության վարչությունից հայտնեցին, որ հետաքննություն է ընթանում: Ավելի վաղ լրատվական կայքերում տեղեկատվություն էր տարածվել, որ «Եռաբլուր»-ում  անհայտ անձինք ավտոմեքենաներ են թալանել, որոնցից մեկը պատկանում է ապրիլյան պատերազմում զոհված կապիտան Արմենակ Ուրֆանյանի հարազատներին: