Shamshyan.com-ը տեղեկացնում է, որ Ճանապարհային ոստիկանությունում նյութեր են նախապատրաստվում մարտի 22-ին Արմավիրի մարզում տեղի ունեցած ավտովթարի փաստով: Այդ օրը, ժամը 19:30-ի սահմաններում 28-ամյա Գևորգ Խոյեցյանն իր վարած ՎԱԶ 2106 մակնիշի 35 CR 377 համարանիշի ավտոմեքենայով Երևան-Արմավիր ավտոճանապարհի 21.5-րդ կմ հատվածում դուրս է եկել ճանապարհի երթևեկելի գոտուց և գլխիվայր շրջվել: Աղբյուրի փոխանցմամբ` վարորդ Գ. Խոյեցյանը մարմնական վնասվածքներով տեղափոխվել է Վաղարշապատի բժշկական կենտրոն: Վիրավորին առաջինն օգնության են հասել քաղաքացիները: