SHAMSHYAN.com-ի տեղեկություններով՝ քիչ առաջ արտակարգ դեպք է տեղի ունեցել Երևանում: Ժամը 18:30-ի սահմաններում Երևանի 1-03 շտապօգնության բժշիկների հերթապահ խումբը Երևանի թիվ 1 համալսարանական հիվանդանոց է տեղափոխել 2 երիտասարդ տղաների: Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության կենտրոնական բաժնի օպերատիվ խումբը՝ բաժնի պետ Արման Պապյանի գլխավոորւթյամբ: Օպերատիվորեն ժամանել են նաև ոստիկանության Մարաշի բաժանմունքի ծառայողները՝ բաժանմունքի պետ Արտակ Ասատրյանի գլխավորությամբ: Այս պահին ոստիկանները նշված դպրոցի բակում հայտնաբերել են արնանման հետքեր: Ոստիկանները պարզել են, որ վիրավորներն են՝ 27-ամյա Միքայել Մելիքյանը, ով հիանդանոց է տեղափոխվել «ձախ արմնկային շրջանի դրսային մակերեսի կտրած վերք» ախտորոշմամբ և 20-ամյա Էդգար Զաքարյանը, ով հիվանդանոց է տեղափոխվել «կրծքավանդակի ձախ կեսի կտրած-ծակած վերք, աջ նախաբազկի մակերեսի վերք» ախտորոշմամբ: Գ. Շամշյանի տեղեկություններով՝ այս պահին վիրավորները տեղափոխվել են վիրահատարան: Ֆոտոլրագրողի տեղեկություններով՝ ոստիկանության կենտրոնական բաժնի քրեական հետախուզության բաժանմունքի ծառայողները պարզել են, որ նրանք դանակահարվել են կենտրոն վարչական շրջանում գործող Խրիմյան Հայրիկի անվան դպրոցի բակից: Փաստի առթիվ ոստիկանության կենտրոնական բաժնի հետաքննչական բաժանմունքում հետաքննություն է սկսվել: