Եգիպտոսում հետաքրքիր օրինագաիծ է դրվել քննարկման: Պատգամավորներից մեկն առաջարկում է ընդունել փոփոխությունը, որով  քրեական պատասխանատվություն կնախատեսվի այն տղամարդկանց համար, ովքեր նորից կամուսնանան՝ առանց առաջին կնոջ թույլտվության: Որպես պատիժ առաջարկվում է սահմանել 6 ամսվա ազատազրկումը: Օրինագիծը, որը հակասում է իսլամական ավանդույթներին, թեժ բանավեճերի առիթ է դարձել: Պահպանողականները դրա մեջ ավանդական ընտանիքը ոչնչացնելու դավադրական միտում են տեսնում: Նրանց խոսքով`շարիաթի օրենքները հանցագործություն համարելն անկարելի է: