Վանեցյանը հաստատում է այդ ակտիվացումը, բայց դա, ըստ նրա, որևէ կապ չունի հեղափոխության հետ։ Նրա կարծիքով՝ մարդիկ պարզապես ավելի ապահով վայր են փնտրում։ ԱԱԾ տնօրենի խոսքով` ինքը չի ասել որևէ բառ, որից կարող է երբևէ ամաչել։ Քննչական կոմիտեում, ըստ նրա, քննություն է ընթանում և ինքը հուսով է, որ շուտով գաղտնալսողները կհայտնաբերվեն ու կպատժվեն։ Վարչապետի պաշտոնակատարը, ըստ Վանեցյանի, ավելի տարողունակ ու բովանդակային ձևով ներկայացրել է, թե ինչ խոսքեր են եղել, ինչ զրույց է եղել: Իսկ ինչ վերաբերում է գաղտնալսողների շրջանակին, ԱԱԾ պետը հրաժարվեց մանրամասներ հայտնել: Ազգային անվտանգության ծառայության տնօրենը որևէ տարբերություն չի տեսնում` իրե՞ն կգաղտնալսեն, թե՞ լրագրողին: «Ի՞նչ տարբերություն` ԱԱԾ տնօրենի՞ն են գաղտնալսել, թե՞ ձեզ։ Եթե ձեզ լսեն, ավելի վատ բաներ կիմանան»,- ասել է Արթուր Վանեցյանը։ Նրա խոսքով` ինքն իր հեռախոսը տվել է փորձաքննության, և դատավորի հետ որևէ խոսակցություն դրանից դուրս չի եկել: