Լոնդոնում ընթացող շախմատի աշխարհի չեմպիոնի համար մրցախաղում կայացավ վերջին` 12-րդ պարտիան: Աշխարհի չեմպիոն Մագնուս Կարլսենն ու չեմպիոնի հավակնորդ Ֆաբիանո Կարուանան վերջին պարտիան նույնպես ավարտեցին ոչ-ոքի արդյունքով: Շախմատիստները խաղաղ ելք կնքեցին 31-րդ քայլում: Այսպիսով, չեմպիոնական մրցամարտը տեղափոխվեց թայ-բրեյք, որը տեղի կունենա նոյեմբերի 28-ին: Հիշեցնենք, որ աշխարհի չեմպիոնը կստանա 550 հազար եվրո, իսկ մրցախաղի պարտվողը 450 հազար եվրո: